有一次，有個朋友介紹了她的朋友給我，她打電話給我

她：師傅，我系xxx 介紹，我有個問題想揾你幫幫手

我：你好，有咩幫到你？

她：我同我妹成日發夢我爸爸叫我地去醫院接佢出院，佢過左身上星期左右

我：你地後事啲野搞好晒未？

她：搞晒喎，已經等緊上緊位喇。

我：咁奇怪🤔，咁你比爸一張相䇳，同埋佢系邊間醫院過身

我們掛了電話後，她便把醫院的名稱和照片發了給我。之後我便到我的佛壇去打坐，入定便去了那間醫院，在醫院的門外的一張櫈，我發覺有位瘦瘦的老人家坐在那張櫈上，我走過去看了一眼他又看了我一眼，原來是世伯坐著等，於是我跟他聊了一會。

我： 世伯，我系你女 xxx叫我黎的，佢話佢成日發夢見到你叫你同叫佢妹接你出院，你唔系應該之前跟佢走左咩？

世伯：系呀，我都知自己已經離開左人世，但等極都無人黎接，應該有殯儀果啲黎嘛，咁我咪去叫佢黎接我。但系點解我見到你，同埋我都唔識你，點解系你黎。

我：你女經佢一個朋友聯絡左我，咁我同佢講我黎睇下，點知你真系仲系度，我諗殯儀果邊唔知系咪有啲咩無做，所以你仲系度。你個軀殼就行左，你仲系度。咁，你系度等我一陣，我叫你女影你一張相比我，我開道門比你去佢度。

世伯：好，我等你。呢位師兄，你系有學道嗎？

我：略懂。你等我吧。

世伯：我都系學道的，之後我有一些符書，你就幫我保存，法器送走就好。你都可以學，你雖要時叫我，我可以教你。

我：感謝你世伯，如果符書到我手，我就幫你保存。

然後，我出定便打個電話給女兒

我：  xxx，我真系揾到你阿爸

她：吓（有飲泣聲），咁點呀。嗚嗚嗚。

我：不用担心，既然揾到就得，你而加去揾一張相，然後揾個位放好，影相比我，我開道到門比佢去你張相到，搞好我再話你知要點做。

她把事情弄好，照片發了給我，我作了個法，跟她說

我：我收到了，作了個法，你唔好瞓住，我而加去揾你阿爸，送佢過去你到，你等我。

她：好，麻煩你了。

然後我再去打坐，入定去到醫院

我：世伯，我已經同你妹傾左，揾左一張相比我，我開左光，你先番去佢屋吧，唔好系地了。

世伯：師兄，好感謝你幫我，如果有咩費用，你記得問我女收

我：小事一樁，唔洗收啦，最緊要你ok.

世伯：咁你同我女講，我想食叉燒包同埋飲茶。

我：好，我叫佢聽日比你吧，而加都11點幾了。

世怕：多謝晒。

然後我念了幾個咒，把世伯送到去女兒準備的照片內，出定後我把事情告訴女兒事情已經搞好了，她還說世伯生前真的好喜歡飲茶同食包。之後女兒找我去處理世伯的神壇，我就為他保存好他的符書。

大師的話：先人後事的確不能馬虎，要找有信譽的殯儀公司去處理，還有先人報夢，如果有不知所措的事，可以找我，或其他的師傅去處理呢。